Brendan Rodgers, stjóri Leicester City, hefur sent Manchester United skýr skilaboð.
Leikmenn á borð við James Maddison og Ben Chilwell eru orðaðir við stórlið en Maddison ku vera á óskalista United.
Það eru þó engar líkur á því að hann fari þangað í janúar en Rodgers ætlar að halda öllum sínum bestu leikmönnum.
,,Enginn af þeim leikmönnum sem við viljum ekki missa munu fara. Það hafa komið fyrirspurnir um lán og nokkrar um okkar yngri leikmenn,“ sagði Rodgers.
,,Þegar kemur að leikmönnunum sem er alltaf verið að tala um þá er enginn á förum.“
