Sir Alex Ferguson, fyrrum stjóri Manchester United, gaf leikmönnum grænt ljós á að mæta fullir á æfingu um hátíðirnar.

Þetta segir fyrrum leikmaður United, Nani, en hann lék með United í heil átta ár.

Ferguson var ekki strangur um hátíðarnar og fengu leikmenn leyfi til að gera ýmislegt sem væri ekki leyft í dag.

,,Ég lenti aldrei í vandræðum. Ef maður fór út á réttum tíma, til dæmis þegar það var frídagur daginn eftir, þá gat maður skemmt sér,“ sagði Nani.

,,Eða um jólin eða á nýju ári – öllum á Englandi var sama um það. Á nýársdag gátum við jafnvel mætt fullir á æfingu og stjóranum var sama.“

,,Það er hlið Sir Alex sem vissi hvernig átti að taka á leikmönnum og viðurkenna að um sérstakan dag væri að ræða og að það væri ekki rétt að gefa skipanir.“

,,Við höfðum spilað allt árið. Ef Wes Brown ákvað að detta í það einn daginn, hvað gerum við? Þetta var skemmtilegt og slakandi, æfingin var öðruvísi og við létum eins og trúðar.“