Simon Mignolet, fyrrum markvörður Liverpool, hefur útskýrt af hverju hann kvaddi félagið í sumar.
Mignolet samdi við Club Brugge en hann taldi sig ekki eiga roð í núverandi markmann liðsins, Alisson Becker.
,,Ef ég hefði getað barist fyrir mínu sæti þá er möguleiki á að ég hefði getað verið áfram,“ sagði Mignolet.
,,Ef ég hefði fengið sénsinn ef Alisson væri meiddur þá hefði ég getað kýlt tíu skot í burtu.“
,,Svo snýr Alisson aftur og tekur sitt sæti. Jafnvel þó hann hefði kýlt boltann í eigið net þá á hann sitt sæti. Hvernig er það gagnlegt?“
