Emil Hallfreðsson hefur skrifað undir samning við lið Calcio Padova í ítölsku C-deildinni.
Þetta staðfesti félagið í dag en Emil hefur verið án félags undanfarna mánuði eftir dvöl hjá Udinese.
Emil fékk ekki nýjan samning hjá Udinese eftir síðasta tímabil og mun nú reyna að hjálpa Padova að komast í B-deildina.
Emil þurfti að finna sér lið til að halda sér í íslenska landsliðshópnum fyrir komandi átök í Þjóðadeildinni.
Emil fagnar 36 ára afmæli sínu í júní en hann hefur lengi verið á mála hjá liðum á Ítalíu og þekkir landið vel.
