Harry Redknapp, fyrrum stjóri Tottenham, ásakar leikmenn liðsins um að hafa brugðist Mauricio Pochettino.
Pochettino var rekinn frá Tottenham í síðasta mánuði en gengi liðsins hefur alls ekki verið gott í vetur.
,,Fólk talar um að þeir hafi elskað hann. Ef þeir elskuðu hann svona mikið þá hefðu þeir átt að spila betur,“ sagði Redknapp.
,,Það voru þeir sem kostuðu hann starfið í lok dagsins. Þeir hafa ekki spilað nógu vel og hann missti starfið.“
,,Ef þeir elska hann svona mikið þá hefðu þeir átt að gera meira fyrir hann.“
