Zinedine Zidane, þjálfari Real Madrid ætlar ekki að ræða um Paul Pogba sem er nú sterklega orðaður við félagið. Pogba, miðjumaður Manchester United þarf að fara í aðgerð á ökkla og verður frá í mánuð sökum þess, hann hafði komið við sögu í tveimur leikjum eftir langa fjarveru.
Pogba hafði ekki spilað í tæpa þrjá mánuði þegar hann kom við sögu sem varamaður í tvígang, læknar hans ráðlögðu honum að fara í aðgerð.
Pogba vill burt frá Manchester United og gæti það gerist í janúar. ,,Ég ætla ekki að svara,“ sagði Zidane þegar hann var spurður um Pogba í dag.
,,Ég ætla ekkert að segja, Paul er leikmaður hjá öðru liði. Það sem er mikilvægast fyrir hann er að koma til baka eftir meiðsli, hann er frá núna.“
