Paul Pogba miðjumaður Manchester United þarf að fara í aðgerð á ökkla og verður frá í mánuð sökum þess, hann hafði komið við sögu í tveimur leikjum eftir langa fjarveru.

Pogba hafði ekki spilað í tæpa þrjá mánuði þegar hann kom við sögu sem varamaður í tvígang, læknar hans ráðlögðu honum að fara í aðgerð.

,,Paul kom aftur eftir langa fjarveru, hann fann ökklann bólgna. Hann fór í myndatöku, ekki sömu meiðsli og áður. Þegar þú ferð í svona myndatöku þá talar þú við þína lækna líka. Ég gerði það sem leikmaður, þetta er ekki alvarlegt. 3-4 vikur,“ sagði Ole Gunnar Solkjær í dag.

,,Við erum að skoða að kaupa leikmenn, við erum með leikmenn sem við höfum áhuga. EF þeir eru til sölu, þá er það eitthvað sem við viljum gera. Ef það er ekki, þá er það ekki.“

Ensk blöð orða Todd Cantwell, 21 árs sóknarsinnaðan miðjumann Norwich við United en bæði Manchester City og Tottenham hafa skoðað hann. Sagt er að United skoði það að kaupa hann nú í janúar.