Patrick Vieira, stjóri Nice, var aldrei í sambandi við Arsenal um að mögulega taka við félaginu.
Vieira staðfesti þessa sjálfur í gær en hann var á meðal þeirra sem voru orðaðir við starfið sem Mikel Arteta fékk að lokum.
Vieira er fyrrum fyrirliði Arsenal en hann hefur gert ágætis hluti með franska félagið.
,,Nei, það er heiður að vera orðaður við allt saman en ég er samningsbundinn Nice,“ sagði Vieira.
,,Ég hef vitað það alveg síðan ég kom hingað að ég er heppinn að vera hluti af þessu verkefni. Ég er ekki að horfa annað og mun ekki gera.“
