Trent Alexander-Arnold, bakvörður Liverpool, segir að liðið sé alls ekki að spila eins vel og hægt er þrátt fyrir öruggt forskot á toppi ensku úrvalsdeildarinnar,
Liverpool er enn taplaust í deildinni á tímabilinu en þrátt fyrir það eiga þeir mun meira inni segir enski landsliðsmaðurinn.
,,Við erum langt frá því að vera 100 prósent. Ég er ekki viss um að við höfum spilað leik þar sem við erum ánægðir með frammistöðuna,“ sagði bakvörðurinn.
,,Þú færð engin verðlaun fyrir að spila fallegan fótbolta, er það?“
,,Þetta er allt að koma hjá okkur en við erum aldrei sáttir eða saddir. Þetta lið á mikið inni og við munum reyna allt til að vinna það sem er í boði.“
