Liverpool spilar við Napoli í Meistaradeildinni þessa stundina en leikið er á Ítalíu.
Eins og vanalega þá mættu þónokkrir stuðningsmenn gestaliðsins í leikinn til að styðja sína menn.
Nú er búið að staðfesta það að tveir stuðningsmenn Liverpool hafi orðið fyrir árás í borginni fyrir leikinn.
Árásin átti sér stað á bar í miðbænum en mennirnir voru á aldrinum 26 og 46.
Ítalskir stuðningsmenn Napoli réðust að mönnunum en þeir voru vopnaðir beltum og flöskum.
Lögreglan á Ítalíu leitar að sökudólgunum en þeir ensku eru ekki alvarlega slasaðir eftir árásina.
