Alfreð Finnbogason, framherji Augsburg og íslenska landsliðsins hefur sent frá sér stutta yfirlýsingu. ÞAð gerir hann vegna umfjöllunar í þýskum fjölmiðlum.
Alfreð telur á sér brotið í þýskum miðlum og ummæli hans um Manuel Baum, fyrrum þjálfara félagsins. Hann segir að orð sín séu slitin úr samhengi. Haft var eftir framherjanum að hann hefði fórnað líkama sínum fyrir Baum.
Í þýskum miðlum er málið teiknað upp þannig að Alfreð sé að hjóla í Baum.
,,Málin hafa verið framsett með þeim hætti í hinum ýmsu fjölmiðlum að ég sé að gagnrýna fyrrverandi þjálfara okkar, Manuel Baum,“ sagði Alfreð í yfirlýsingu sem hann birti á Twitter.
Þannig hafði Alfreð verið meiddur en kom fljótt til baka, til að hjálpa Augsburg í harðri fallbaráttu.
,,Það sem ég sagði var ekki beint að neinum persónulega. Öðru nær, Það var sammeiginleg ákvörðun mín, þjálfarans og sjúkraliðs að ég kæmi fljótt til baka eftir meiðslin sem ég varð fyrir. Ég fór að spila fyrir liðið aftur og hjálpa því. Ég hef núna lært af þessari reynslu.“
Alfreð gagnrýnir blaðamanninn sem slær þessu svona fram. ,,Það er auðvelt fyrir blaðamanninn að finna fyrirsögn þegar búið er að taka mikilvægar setningar úr viðtalinu.“
Zur Klarstellung pic.twitter.com/DADfM0Mnke
— Alfreð Finnbogason (@A_Finnbogason) August 22, 2019
