Það fór fram frábær leikur í gær er Liverpool og Chelsea áttust við í Ofurbikar Evrópu. Það var leikið á heimavelli Besiktas í Tyrklandi og vantaði alls ekki upp á fjörið í leikinn.
Chelsea komst yfir í fyrri hálfleik er Olivier Giroud skoraði fínt mark eftir sendingu frá Christian Pulisic. Sadio Mane jafnaði metin fyrir Liverpool snemma í seinni hálfleik eftir sendingu Roberto Firmino. Staðan var jöfn eftir 90 mínúturnar og í framlengingunni skoraði Mane svo sitt annað mark og kom þeim rauðu yfir.
Chelsea jafnaði svo af vítapunktinum en Jorginho skoraði þar örugglega eftir að brotið hafði verið á Tammy Abraham.
Úrslitin þurftu að ráðast í vítaspyrnukeppni og þar klúðraði Tammy Abraham einu spyrnunni og vann Liverpool hana, 5-4. Nú er því haldið fram að Adrian, markvörður Liverpool hafi verið komin með báða fætur af línunni.
Reglurnar eru skýrar en markvörður má ekki fara af línunni fyrir en búið er að spyrna í knöttinn.
Þar með hafi átt að endurtaka spyrnuna og mögulega hefðu úrslitin orðið önnur. Hvað segir þú um það? Mynd af þessu má sjá hér að neðan
