Cardiff City undirbýr sig nú fyrir keppni í ensku Championship-deildinni eftir fall úr ensku úrvalsdeildinni.
Það gekk erfiðlega hjá Cardiff í efstu deild á síðustu leiktíð en liðið stefnir væntanlega beint aftur upp.
Liðið fer til Bandaríkjanna í æfingaferð til að undirbúa sig fyrir komandi átök en deildin hefst í næsta mánuði.
Liðið ferðast hins vegar án tveggja leikmanna, þeirra Lee Tomlin og Gary Medine.
Báðir leikmenn mega ekki ferðast til Bandaríkjanna en þeir eru ekki með hreina sakaskrá og æfa því sér í sumar.
Tomlin var dæmdur árið 2017 en hann lenti í slagsmálum fyrir utan skemmtistað í Leicester.
Medine var handtekinn árið 2013 og var dæmdur í 18 mánaða fangelsi. Hann réðst á tvo stuðningsmenn Sheffield United eftir rifrildi.
Medine sat inni í rúmlega fjóra mánuði en var lengi á skilorði eftir að hafa losnað.
