Patrick Vieira, fyrrum fyrirliði Arsenal er einn af þeim sem er orðaður við stjórastöðu félagsins. Hann er í dag þjálfari Nice, í Frakklandi.

Sagt er að Edu, yfirmaður knattspyrnumála vilji fá Vieira inn í starfið en Unai Emery var rekinn á dögunum. Freddie Ljungberg, stýrir liðinu tímabundið en hefur ekki heillað.

,,Ég get aldrei sleppt því að svara Arsenal, ég var þar í níu ár,“ sagði Vieira sem var áður þjálfari New York City.

,,Ég er einbeittur á þetta verkefni hjá Nice, mér líður vel hérna. Þetta er spennandi verkefni.“

,,Ég er ánægðru í Nice, við erum að leggja okkur fram við að bæta hlutina,“ sagði Vieira sem hljómar þó spenntur fyrir starfinu hjá Arsenal.