Það er óþekkt nafn í íslenska landsliðshópnum fyrir verkefni í Bandaríkjunum í janúar.

KSÍ staðfesti það í dag að Ísland myndi leika við El Salvador og Kanada í janúar en um er að ræða vináttuleiki.

Athygli vekur að maður að nafni Óskar Tor Sverrisson er í hópnum í fyrsta skiptið.

Óskar er ekki maður sem margir kannast við en hann leikur með Hacken í sænsku úrvalsdeildinni.

Hann er fæddur og uppalinn í Svíþjóð en á íslenskan föður og er þar með leyfilegur með íslenska liðinu.

Óskar er 27 ára gamall vinstri bakvörður og hefur spilað fyrir lið eins og Hacken, Mjallby, Landskrona og Dalkurd.