Ögmundur Kristinsson hefur krotað undir nýjan samning við lið Larissa í Grikklandi.
Íslendingavaktin vekur athygli á þessu en það er Sport FM í Grikklandi sem greindi frá fréttunum.
Ögmundur kom til Larissa í fyrra og var valinn leikmaður ársins fyrir góða frammistöðu á árinu.
Landsliðsmaðurinn gerði upphaflega tveggja ára samning við Larissa sem átti að renna út eftir núverandi tímabil.
Ögmundur er einn allra mikilvægasti leikmaður Larissa sem leikur í efstu deild Grikklands.
