Heimir Hallgrímsson hefur krotað undir nýjan samning við lið Al-Arabi sem spilar í Katar.
Félagið staðfesti þetta í kvöld en stjórn félagsins kaus um hvort ætti að framlengja samning Heimis eða ekki.
Niðurstaðan var að samningurinn yrði framlengdur og er Heimir nú samningsbundinn til ársins 2021.
Hann tók við Al-Arabi eftir góða frammistöðu með íslenska landsliðinu og hefur staðið sig með prýði í Katar.
Eins og er situr Al-Arabi í sjötta sæti í deildinni í Katar en með liðinu leika Aron Einar Gunnarsson og Birkir Bjarnason.
