West Ham United á Englandi hefur ákveðið að reka mann að nafni Mario Husillos sem starfaði á bakvið tjöldin.

Husillos var yfirmaður knattspyrnumála hjá West Ham og sá um að kaupa flesta leikmenn til félagsins.

Þessi kaup hafa þó alls ekki gengið upp en Husillos eyddi yfir 100 milljónum punda í nýja leikmenn.

Leikmenn á borð við Sebastian Haller, Carlos Sanchez og Pablo Fornals hafa lítið sannað á Olympic Stadium.

Stjórn West Ham missti alla trú á Husillos eftir þessi kaup og einnig eftir komu markmannsins Roberto á frjálsri sölu.

Husillos vann með Roberto hjá Malaga en hann var ömurlegur í þeim leikjum sem hann spilaði fyrir félagið.