Neil Warnock, fyrrum stjóri Cardiff, er mögulega á leið til Middlesbrough þar sem illa gengur í dag.
Warnock ákvað að segja upp sem stjóri Cardiff fyrr í mánuðinum þar sem hann náði mjög góðum árangri.
Hann er 71 árs gamall í dag og gaf það einnig út eftir að hafa hætt að hann væri búinn að leggja þjálfarabókina á hilluna.
Miðað við fregnir dagsins þá gæti Warnock tekið U-beygju og tekið við Boro sem er undir stjórn Jonathan Woodgate í dag.
Woodgate hefur þó náð slæmum árangri með Boro og hefur aðeins unnið þrjá deildarleiki það sem af er tímabili.
