Arturo Vidal, leikmaður Barcelona, hefur ákveðið að kæra félagið samkvæmt spænskum miðlum.
Vidal er 32 ára gamall en hann kom til Barcelona í fyrra eftir dvöl hjá Bayern Munchen og Juventus.
Lögfræðingar Vidal sendu fram kæru á hendur Barcelona þann 5. desember en hann segist eiga inni laun hjá félaginu.
Samkvæmt þessum fregnum skuldar Barcelona miðjumanninum allt að tvær milljónir punda í bónusum.
Það á Vidal inni fyrir að spila 60 prósent af öllum leikjum Barcelona síðan hann samdi við félagið.
Barcelona hefur hingað til neitað að borga þessa upphæð og segir að Vidal hafi aðeins að meðaltali spilað 45 mínútur í hverjum leik.
