Eric Bailly, varnarmaður Manchester United, upplifði erfiða tíma þar sem hann ólst upp í Fílabeinsströndinni.
Bailly er 25 ára gamall en fyrir fimm árum síðan þá var hann að selja síma og sígarettur til að þéna peninga fyrir fjölskyldu sína.
Hann fékk svo tækifæri á að semja við akademíu Espanyol og síðan þá hafa hlutirnir gerst hratt fyrir sig.
,,Eftir tvo mánuði þá hafði ég skrifað undir samning við Espanyol. Ég var orðinn atvinnumaður í fótbolta,“ sagði Bailly.
,,Þegar ég sneri aftur heim þá voru allir svo ánægðir. Öll fjölskyldan fagnaði mér og faðir minn var himinlifandi og eldaði kjúkling.“
,,Þegar ég fékk fyrst borgað þá millifærði ég peninginn til fjölskyldunnar. Síðan þá hafa hlutirnir gengið hratt fyrir sig.“
,,Ég eyddi 18 mánuðum hjá Villarreal og var svo að spila fyrir Manchester United.“
,,Á fimm árum þá fór ég frá því að selja sígarettur og síma á götum Abidjan í að spila fyrir stærsta félag heims.“
