Mikel Arteta, nýr stjóri Arsenal, ætlar ekki að leyfa miðjumanninum Granit Xhaka að fara strax í byrjun janúar.
Arteta er ennþá að venjast leikmannahópi Arsenal en hann tók við á dögunum af Unai Emery.
Umboðsmaður Xhaka hefur gefið það út að hann vilji semja við Hertha Berlin fyrir 21 milljón punda.
Arteta ætlar hins vegar að stöðva þau skipti í bili og íhuga hvort hann þurfi á miðjumanninum að halda.
Xhaka á yfir þrjú ár eftir af samningi sínum við Arsenal og fær 90 þúsund pund á viku.
