Ivan Rakitic, leikmaður Barcelona, er búinn að breyta um skoðun og vill ekki yfirgefa félagið á nýju ári.
Rakitic sagði fyrr á árinu að hann væri að íhuga brottför eftir lítinn spilatíma en hann ætlar ekki að leita annað strax.
,,Mikilvægasta spurningin er hvort ég geti spilað hjá Barcelona. Ef ég spila þá er Barcelona besti staðurinn fyrir mig,“ sagði Rakitic.
,,Við sjáum hvað gerist en ég er tilbúinn að gera eins mikið og ég get á þessu ári. Ég hef verið hér í fimm og hálft ár og er viss um að það besta eigi eftir að koma.“
,,Ég er ánægður og stoltur af því að vera hérna. Það hefur mikið gerst sem er ekki hægt að breyta en mitt markmið er að halda áfram í Barcelona.“
