Kraftlyftingamaðurinn Júlían J.K Jóhannsson er íþróttamaður ársins fyrir árið 2019 en þetta var staðfest í kvöld.
Júlían átti frábært ár í sinni íþrótt en hann hafnaði í þriðja sæti heimsmeistaramótsins í kraftlyftingum í nóvember.
Einnig náði Júlían öðru sæti á Evrópumeistaramótinu í sumar og átti því virkilega gott ár.
Martin Hermannsson, körfuboltamaður og Sara Björk Gunnarsdóttir voru í öðru og þriðja sætinu í valinu.
Martin er 25 ára gamall körfuboltamaður en hann spilar með Alba Berlin í Þýskalandi.
Þar hefur Martin spilað síðan 2018 en hann er uppalinn í KR og spilaði með liðinu við góðan orðstír áður en atvinnumennskan kallaði.
Martin er einnig einn allra mikilvægasti leikmaður íslenska landsliðsins og átti besta árið að mati samtaka íþróttafréttamanna.
Sara Björk leikur með Wolfsburg í Þýskalandi og átti mjög gott knattspyrnuár.
Knattspyrnukonan er 29 ára gömul en hún á að baki 130 landsleiki fyrir Ísland og hefur skorað í þeim 20 mörk.
Sara fagnaði sigri með Wolfsburg í bæði deild og bikar á þessu ári en liðið er eitt það sterkasta í Evrópu.
