Jóhann Berg Guðmundsson, kantmaður Burnley er í liði áratugarins hjá félaginu. Það var Michael Duff, fyrrum leikmaður félagsins sem valdi liðið fyrir Sky Sports.
Jóhann Berg gekk í raðir Burnley árið 2016 og er á sínu fjórða tímabili hjá félaginu. Þarna máfinna nokkra öfluga leikmenn. Kieran Trippier sem í dag leikur með Atletico Madrid er í liðinu ásamt Danny Ings framherja Southampton.
Það vekur athygli að Jóhann er einnig í liði áratugarins hjá Charlton, þar lék hann frá 2014 til 2016 og var besti maður liðsins.
,,Það hafði enginn heyrt um Guðmundsson þegar við fengum hann, hann kom sumarið 2014 og var strax mikilvægur. Skoraði nokkur mögnuð mörk og lagði upp,“ segir í umfjöllun um lið áratugarins hjá Charlton.
Jóhann er að snúa aftur til baka eftir meiðsli og gæti byrjað gegn Manchester United í kvöld.
Lið áratugarins hjá Burnley: Heaton; Trippier, Mee, Tarkowski, Ward; Marney, Cork, Arfield, Jóhann Berg Guðmundsson; Barnes, Ings.
