Melanie Martial, eiginkona Anthony Martial segir að maðurinn sinn hafi verið andlega langt niðir, þegar Jose Mourinho var stjóri Manchester United.
Mourinho var rekinn úr starfi fyrir rúmu ári og hefur Martial spilað betur eftir að Portúgalinn var rekinn.
Mourinho hafði sagt að Martial væri ekki sterkur andlega og var hann ósáttur þegar Martial yfirgaf herbúðir félagsins, á undirbúningstímabilinu 2018. Hann fór til að verða vitni af fæðingu sonar síns.
,,Fyrstu tvö árin okkar saman í Manchester, voru mjög erfið. Það var vegna Jose Mourinho, sem spilaði honum lítið,“ sagði Melanie.
,,Á þeim tíma þá lokaði Anthony sig bara af, þú veist að honum líður illa en hann segir ekkert. Ég var föst í þessu, sem eiginkona hans. Þú segir ekkert við þjálfarann.“
,,Við horfðum bara á Anthony sökkva dýpra, ég fann svo mikið fyrir þessu. Ég fór ekki á nokkra viðburði, ég vildi ekki rekast á þjálfarann.“
,,Ég sagði ekkert um Mourinho, Anthony vildi það ekki. Þú gerir bara þitt, þegar Anthony kom inn og skoraði þá öskraði ég. Ég var svo stolt.“
