Kia Rosina, og fjölskylda voru að gera sér glaðan dag á jóladag þegar Lamborghini bifreið kom fljúgandi inn í garðinn hjá þeim. Það var síðdegis á jóladag sem Michael Antonio, leikmaður West Ham missti stjórn á bílnum sínum og hafnaði á húsinu. Hann var klæddur sem snjómaðurinn.

Antonio hafði klætt sig upp sem snjómaðurinn eftir æfingu hjá West Ham, hann lék með liðinu gegn Crystal Palace degi síðar. ,,Ég lagði hönd mína á öxl hans, ég hafði áhyggjur,“ sagði Rosina. ,,Ég hringdi á lögregluna og bað um alla hjálp. Það rauk úr bílnum og ég hafði áhyggjur af því að bíllinn myndi springa.“

,,Antonio var bara í símanum að öskra á einhvern, að hann væri í lagi. Hann tjáði þeim aðila að hann væri ekki heimskur og að hann ætti bara að spyrja hann, hvort allt væri í lagi.“

Fjölskyldan segir að Antonio hafi ekki beðist afsökunar á skemmdunum og að hann hafi fljótt farið af vettvangi, hann hafi svo komið aftur síðar um kvöldið ásamt vinum sínum. Þar hafi hann skoðað bílinn. Antonio er 29 ára gamall en hann og hans starfsfólk vildi ekki tjá sig um málið.

Nú greina ensk blöð frá því að Antonio ætli sér að hafa samband við fjölskylduna og biðjast afsökunar, á að hafa rúllað inn í garð hjá þeim á glæsikerrunni.