Sænska goðsögnin Zlatan Ibrahimovic hefur skrifað undir samning við AC Milan á Ítalíu.
Þetta var staðfest í kvöld en Zlatan gerir samning við Milan út þetta tímabil og kemur á frjálsri sölu.
Þessi 38 ára gamli leikmaður yfirgaf LA Galaxy í nóvember og var orðaður við ýmis félög.
Zlatan lékmeð Milan frá 2010 til 2012 og skoraði þá 42 deildarmörk í 61 leik.
,,Ég er að snúa aftur til félags sem ég ber mjög mikla virðingu fyrir og í borg sem ég elska,“ sagði Zlatan.
,,Ég mun berjast ásamt liðsfélögum mínum til að snúa þessu tímabili við og geri allt til að ná okkar markmiðum.“
