Zlatan Ibrahimovic hótaði eitt sinn að fótbrjóta liðsfélaga sinn Rafael van der Vaart.

Van der Vaart greindi sjálfur frá þessu í dag en hann og Zlatan voru saman hjá Ajax í Hollandi á yngri árunum.

Samband þeirra var þó aldrei gott og voru rifrildin nokkur en um var að ræða tvær af skærustu stjörnum liðsins.

,,Já hann sagði þetta en Zlatan sagði þetta við alla. Það er líka rétt að á þessum tíma þá virkuðu hlutirnir bara ekki á milli okkar,“ sagði Van der Vaart.

,,Ég vildi þó frekar vera í liði þar sem fólk var hreinskilið eins og hann, jafnvel þó að rifrildin hafi verið nokkur.“

,,Það var ekkert eitt augnablik sem var ástæðan fyrir þessu. Við náðum bara ekki vel saman.“