Tottenham á Englandi hefur ákveðið að kalla varnarmanninn Cameron Carter-Vickers til baka.
Carter-Vickers er 21 árs gamall en hann gerði lánssamning við Stoke City í ágúst á þessu ári.
Hann hefur þó ekki komist í leikmannahóp Stoke í undanförnum fimm leikjum og fær lítið að spila.
Tottenham tók eftir vandræðum leikmannsins sem spilaði alls 15 leiki fyrir Stoke á leiktíðinni.
Carter-Vickers mun nú æfa með Tottenham á ný en gæti fundið sér nýtt félag í janúar.
