Ragnar Sigurðsson, landsliðsmaður, er í viðræðum við tyrknenska liðið Trabzonspor.
Íslendingavaktin segir frá þessu fyrst íslenskra miðla en hefur eftir tyrknenska blaðinu Takvim.
Raggi Sig er án félags þessa stundina en hann yfirgaf Rostov í Rússlandi á dögunum.
Þar lék varnarmaðurinn í dágóðan tíma og spilaði yfir 50 leiki eftir dvöl hjá Fulham á Englandi.
Trabzonspor er að berjast við toppinn í Tyrklandi en liðið hefur lengi verið eitt það öflugasta í efstu deild.
