Nú er í gangi leikur Wolves og Manchester City en spilað er á Molineux vellinum í Wolverhampton.
Eftir aðeins 12 mínútur þá dró til tíðinda er Ederson, markvörður City, fékk að líta beint rautt spjald.
Ederson braut á Diogo Jota sem var að sleppa í gegn og fékk að launum verðskuldað rautt spjald.
Claudio Bravo þurfti því að fara í mark City en hann kom inná fyrir framherjann Sergio Aguero.
Aguero var að snúa aftur á völlinn eftir fimm vikna fjarveru vegna meiðsla en það entist ekki lengi.
Staðan er 1-0 fyrir City en Raheem Sterling skoraði markið eftir að hafa fylgt á eftir eigin vítaspyrnuklúðri.
