Mario Mandzukic hefur skrifað undir hjá Al-Duhail í Katar, þetta var staðfest í gær en um er að ræða mikinn styrk fyrir deildina í Katar.

Mandzukic hafði verið orðaður við Manchester United en félagið virtist ekki hafa mikinn áhuga á honum.

Mandzukic er 33 ára gamall og hefur ekki þurft að mæta á æfingar með Juventus, síðustu vikur. Maurizio Sarri vildi ekki nota hann.

Deildin í Katar er staður þar sem leikmenn mæta oft á síðustu metrum ferilsins en ná að halda í sömu laun.

Í Katar eru þrír Íslendingar hjá Al-Arabi, Heimir Hallgrímsson stýrir liðinu og þar spila Aron Einar GUnnarsson og Birkir Bjarnason.

Mandzukic er oft nefndur óvinur Íslands en hann fékk rautt spjald í leik gegn Íslandi árið 2013, fyrir grófa tæklingu.