Það er hátíð í dag fyrir þá sem hafa gaman af fótbolta en enski boltinn verður í fullu fjöri, níu leikir fara fram í úrvalsdeildinni. Hátíðin byrjar með leik Tottenham og Brighton klukkan 12:30 en allir leikir dagsins verða í beinni útsendingu í Sjónvarpi Símans.
Chelsea spilar við Southampton klukkan 15:00 og klukkan 17:30 tekur Manchester United á móti Newcastle. Dagurinn endar svo á stærsta leik dagsins þegar topplið Liverpool heimsækir Leicester sem situr í öðru sæti deildarinnar.
Næsta umferð er svo 28 og 29 desember og aftur er leikið á nýársdag, þjálfarar í Englandi eru á móti þessu álagi ef marka má Jose Mourinho, en þeir þegja.
,,Við þjálfarar á Englandi, erum allir á móti þessu,“ sagði Mourinho en mikil hætta er á að leikmenn meiðist í svona álagi.
,,Okkur er sagt að tala ekki um það, þetta skilar svo miklum fjármunum. Við verðum að taka þessu og þegja bara.“
