Það þarf stórslys og meira til svo að Liverpool verði ekki enskur meistari í vor, 30 ára bið stuðningsmanna félagsins er að taka enda.
Liverpool vann efstu deild á Englandi síðast fyrir þrjátíu árum, liðið vann 0-4 sigur á Leicester í kvöld sem situr í öðru sæti. Forysta Liverpool er 13 stig á Leicester og á liðið leik til góða.
Roberto Firmino skoraði fyrsta mark leiksins og það eina í fyrri hálfleik, James Milner bætti við öðru marki úr vítaspyrnu.
Roberto Firmino bætti við því þriðja áður en besti maður vallarins, Trent Alexander-Arnold bætti því fjórða við. Hann hafði lagt upp bæði mörkin fyrir Firmino og fiskað vítaspyrnuna. En Caglar Soyuncu, varnarmaður Leicester fékk boltann í hönd sína úr hornspyrnu Trent.
Liverpool á næst leik þann 29 desember þegar liðið mætir Wolves á heimavelli.
