Ole Gunnar Solskjær, stjóri Manchester United, hefur staðfest áhuga á framherjanum Erlind Haaland. Haaland er 19 ára gamalt undrabarn RB Salzburg og er sterklega orðaður við United þessa dagana.
,,Hann er leikmaður sem mér líkar við. Við erum að leita að góðum leikmenn allan tímann,“ sagði Solskjær.
,,Erling hefur þróast vel og hann þróast enn frekar þar sem hann ákveður að fara. Ég vil ekki tala of mikið um hann en við horfum á leikmenn sem henta þeim sem við erum með og svo sjáum við hvað við endum með.“
Ensk blöð segja núna að United sé að undirbúa tilboð upp á 200 þúsund pund á viku, það gerir rúman 1,6 milljarð á ári. Sturluð laun fyrir þetta 19 ára undrabarn. Búist er við að Haaland ákveði sig á allra næstu dögum eða vikum.
