Stuðningsmanni Manchester City var sparkað út af heimavelli félagsins á laugardag, hann var með fordóma gagnvart samkynhneigðum.

Hann sagði leikmenn og stuðningsmenn Leicester vera homma, vegna þess að búningur þeirra er bleikur.

Varabúningur Leicester er bleikur en þessum fordómafulla stuðningsmanni, var sparkað út af vellinum. Leicester lék þó í svörtum búningi í þessum leik.

Öryggisgæslan á vellinum fékk skilaboð um orð mannsins og var fljót á staðinn, hann var leiddur út af vellinum og á bann yfir höfði sér.

Fordómar stuðningsmanna í enska boltanum eru meira áberandi en áður, og mikið af atvikum þar sem lögregla þarf að rannsaka málin.