Jose Mourinho og félagar í Tottenham fengu Chelsea í heimsókn á sunnudag og mætti Portúgalinn sínu fyrrum liði.
Leikurinn var fínasta skemmtun en það voru gestirnir í bláu sem höfðu betur 0-2 á útivelli. Brasilíumaðurinn Willian var í stuði gegn Tottenham í dag en hann skoraði bæði mörk Chelsea í leiknum.
Vængmaðurinn skoraði fyrst með góðu skoti innan teigs í fyrri hálfleik og það seinna kom úr vítaspyrnu. Í seinni hálfleik fékk Heung-Min Son að líta beint rautt spjald fyrir að sparka í Antonio Rudiger, varnarmann Chelsea. Chelsea er nú í fjórða sæti deildarinnar með 32 stig, sex stigum á undan Tottenham sem er í því sjöunda.
Mourinho hefur verið auðmjúkur til að byrja með í starfi en gamli Mourinho virðist mættur aftur, eftir leik á sunnudag neitaði hann að taka í hönd á Son, sem hafði fengið rautt spjald.
Son reyndi um langt skeið að fá spaða Mourinho sem gekk framhjá honum ítrekað, atvikið er hér að neðan.
Mourinho starts his beef @ Spurs…
This time with Son..😂😂😂#TOTCHE pic.twitter.com/FrzDvDZywM— Chelsea Updates (@oscarlen_one) December 22, 2019
