Carlo Ancelotti, nýr stjóri Everton ætlar ekki að reyna að fá Zlatan Ibrahimovic til félagsins eins og sögur hafa verið á kreiki um.
Ancelotti stýrir Everton í fyrsta sinn á öðrum degi jóla þegar liðið tekur á móti Burnley.
Zlatan er án félags og hefur verið orðaður við Everton og fleiri lið, hann er ekki að koma í Bítlaborgina.
,,Hann er góður vinur minn, ég veit að ferill hans í Bandaríkjunum er á enda. Ég veit ekki hvað hann ætlar að gera,“ sagði Ancelotti.
,,Ég verð að hringja í hann, kannski geri ég það. Ef hann vill heimsækja Liverpool og njóta lífsins, en hann mun ekki spila hérna.“
