Guðmundur Þórarinsson er að ganga í raðir Levski Sofia í Búlgaríu ef marka má miðla í Svíþjóð í dag.
Þar segir að Guðmundur hafi samþykkt tilboð Levski en með liðinu leikur Hólmar Örn Eyjólfsson.
Hólmar og Guðmundur þekkjast vel en þeir léku saman hjá Rosenborg og hafa verið góðir vinir síðan þá.
Guðmundur var frábær með Norköpping í Svíþjóð á síðustu leiktíð en samningur hans við félagið er á enda.
Guðmundur hefur síðustu daga fyllt tónleikarstaði landsins, en hann og Ingólfur Þórarinsson bróðir hans voru með tónleika um helgina. Þeir voru í Eyjum í gær þar sem var fullt hús.
