Gylfi Þór Sigurðsson, leikmaður Everton, er hæstánægður með ráðningu félagsins á Carlo Ancelotti.
Ancelotti var ráðinn stjóri Everton fyrir helgi en hann er risastórt nafn í boltanum og hefur unnið ófáa titla.
,,Við erum hæstánægðir. Hann er augljóslega frábær stjóri með mikla reynslu,“ sagði Gylfi.
,,Hann hefur náð frábærum árangri og veit hvað hann er að gera. Allir strákarnir og stuðningsmenn eru ánægðir með hans komu.“
,,Við erum ánægðir með að hafa náð að fá hann til okkar og erum spenntir fyrir seinni hluta tímabilsins með honum.“
