Pep Guardiola, stjóri Manchester City, heimtar meira frá stuðningsmönnum liðsins þegar liðið lendir undir í leikjum.
City vann Leicester City örugglega 3-1 á laugardag en lenti undir 0-1 á heimavelli og þá heyrðist ekki mikið á Etihad vellinum.
,,Ég finn fyrir stuðninggsmönnunum þegar við spilum vel en ég vil meira þegar við erum til dæmis í vandræðum eins og undir gegn Leicester. Við þurfum á þeim að halda,“ sagði Guardiola.
,,Leikmennirnir eiga hrós skilið fyrir það sem þeir hafa gert. Ég þarf stuðningsmennina á mitt band þegar við fáum á okkur mark og erum að spila glimrandi vel.“
,,Við þurfum þá. Við getum ekki spilað 90 mínútur og verið alltaf ofan á. Fyrstu 10 mínúturnar vorum við ekki góðir, við spiluðum ekki auðvelt og töpuðum boltanum.“
