Aron Elís Þrándarson hefur skrifað undir þriggja og hálfs árs samning við OB í Danmörku, hann kemur til félagsins frá Álasund.
Álasund í Noregi komst upp í úrvalsdeildina þar í landi í ár og Aron Elís spilaði vel, hann vildi hins vegar fara á nýjan stað.
Aron Elís ólst upp hjá Víkingi Reykjavík áður en hann hélt út, hann hefur verið inn og út úr íslenska landsliðshópnum á þessu ári.
,,Ég er virkilega ánægður með að ganga í raðir OB. OB er stórt félag og danska deildin er sú sterkasta á Norðurlöndum, samkvæmt mínum bókum,“ sagði Aron Elís.
Aron Elís er sóknarsinnaður miðjumaður sem getur einnig leikið kantstöðuna.
