Virgil van Dijk, leikmaður Liverpool, viðurkennir að hann hafi verið svekktur í valinu á Ballon d’Or í mánuðinum.
Van Dijk var í öðru sæti kosningunnar en Lionel Messi vann verðlaunin í sjötta sinn.
Van Dijk hefur aldrei áður verið tilnefndur og viðurkennir að á sama tíma hafi það verið mikill heiður.
,,Ég var svolítið svekktur. Ég ákvað að fara á verðlaunaafhendinguna og að lokum var þetta frábært kvöld,“ sagði Van Dijk.
,,Ég tel það enn vera magnað afrek að það sé talað um mig á sama hátt og stærstu stjörnur fótboltans.“
