Antonio Rudiger, leikmaður Chelsea, varð fyrir kynþáttaníði á heimavelli Tottenham í kvöld.
Rudiger spilaði með Chelsea gegn Tottenham en þeir bláklæddu unnu góðan 0-2 útisigur.
Í seinni hálfleik þá ræddi Rudiger við fyrirliða sinn Cesar Azpilicueta og greindi frá því að hann hafi orðið fyrir rasisma.
Azpilicueta fór því og ræddi við Anthony Taylor, dómara leiksins, sem lét sína aðstoðarmenn vita.
Azpilicueta ræddi málið eftir leik og útskýrði það sem átti sér stað.
,,Þetta er mjög skýrt, við fundum með dómurum fyrir leiki og okkur er sagt að tilkynna öll mál varðandi kynþáttaníð,“ sagði Azpilicueta.
,,Toni kom að mér og sagði frá rasískum söngvum í hans garð. Ég lét dómarann vita og leyfði honum að sinna sínu starfi.“
