Nemanja Matic, leikmaður Manchester United, hefur gefið í skyn að hann sé á förum frá félaginu í janúar.

Matic veit ekki hvað framtíðin ber í skauti sér en hann á ekki fast pláss í byrjunarliði United í dag.

,,Ef ég á að vera hreinskilinn þá veit ég ekki hvað ég mun gera,“ sagði Matic.

,,Ég ræddi við félagið og hef alltaf sagt að ég muni gefa allt í sölurnar þar til á mínum síðasta degi og haga mér eins og fagmaður.“

,,Þú veist aldrei hvað gerist í fótboltanum. Fjölskyldan mín er ánægð hér og ég er ánægður og við sjáum hvað næsta skref er.“

,,Hvort ég verði áfram eða fari, ég mun taka bestu ákvörðunina.“