Ole Gunnar Solskjær, stjóri Manchester United vonast til þess að Paul Pogba snúi aftur á völlinn með bros á vör.
Ekki eru allir sammála um það hvort Pogba spili aftur fyrir United, hann hefur verið meiddur síðan í september og vill fara.
,,Þegar hann kemur aftur, kemur hann vonandi með bros á vör,“ sagði Solskjær og neitaði því að Pogba færi í janúar.
,,Hann þarf að gera það sama og hann var að gera fyrir ári síðan, þegar ég tók við. Paul var frábær, hann hefur verið öflugur þegar hann er leikfær.“
,,Við vitum að við erum með einn besta leikmann í heimi, þegar hann er heill heilsu. Hann þarf tíma til að koma til baka.“
