Erling Braut-Haaland framherji Red Bull Salzburg mætti ekki til Manchester í dag, eins og norskir fjölmiðlar sögðu frá. Hann flaug frá Stavangri og til Kaupmannahafnar og fer þaðan til heitari lands.
Haaland er í jólafríi en norskir blaðamenn greindu frá því að Haaland væri á leið til Manchester, þeir töldu að hann væri að fara í viðræður við Manchester United.
United er eitt af mörgum liðum sem reynir að sannfæra Haaland um að rétta skrefið á ferli hans sé að koma til þeirra.
,,Koma svo Stig, giskaðu aftur núna,“ sagði Alf-Inge Håland, faðir Erling með mynd af honum á flugvelli. Margir telja að Erling-Braut sé á leið í sólina í Dubai.
Hann mun svo taka ákvörðun um framtíð sína í lok mánaðarins en veðbankar telja líklegast að hann endi hjá Manchester United.
