Erling Haland, einn allra efnilegasti leikmaður heims, er orðaður við mörg lið þessa dagana. Haland er aðeins 19 ára gamall en hann spilar með RB Salzburg í Austurríki og hefur skorað mikið þar. Manchester United er talið hafa áhuga á Haland. Stuðningsmenn United urðu spenntir í fyrradag eftir mynd sem Haland birti á Instagram

Þar má sjá leikmanninn árita treyju United fyrir aðdáanda og spurning hvort það gefi eitthvað í skyn. Hann birti svo í kjölfarið myndir af sér að árita fleiri treyjur. VG hefur greint frá því að Haaland hafi verið með styrktarkvöld í Noregi í, þar hafi hann verið beðinn um að árita myndina. Hann er því ekki á barmi þess að skrifa undir hjá félaginu. Á styrktarkvöldinu kom einn með United treyju og bað Haaland að krota á hana.

Ensk blöð segja í dag að United ræði við Haaland og umboðsmann hans, Mino Raiola. Þau segja að Raiola fari fram á 12 milljónir punda frá United. Raiola er umdeildur, umboðsmaður. Hann hugar fyrst og síðast um veskið, hann vill því tæpa 2 milljarða frá United ef Haaland á að krota undir. United hefur ekki alltaf farið vel úr viðskiptum við Raiola en hann kom með Paul Pogba til félagsins eftir að hafa ráðlagt honum að fara frá United, nokkrum árum áður. Hann hagnaðist vel á kaupum United á Pogba.

Ensk blöð segja að Haaland vilji fá 6,8 milljónir punda í árslaun, Leipzig í Þýskalandi hefur ekki áhuga á að borga slík laun. Um er að ræða 1,1 milljarð íslenskra króna í árslaun.