Ekki er búist við öðru en að Carlo Ancelotti verði ráðinn knattspyrnustjóri Everton á næstu dögum. Sky Sports segir frá, sagt er að Ancelotti stýri liðinu í fyrsta sinn gegn Burnley á öðrum degi jóla. Hann verður því ekki í stjórastólnum gegn Arsenal um helgina.
Ensk blöð segja að Ancelotti sé í raun búinn að ganga frá öllu, hann muni þéna 11,5 milljón punda á ári. Það er 1,9 milljarður íslenskra króna á ári hverju.
Ancelotti er mjög þekkt nafn í knattspyrnunni en hann var síðast hjá Napoli en var rekinn nýlega.
Hann hefur stýrt Juventus, Real Madrid, FC Bayern og nú síðast Napoli auk fleiri liða, að Everton hafi geta sannfært hann kemur mörgum á óvart.
Ítalinn þekkir ágætlega til Englands en hann vann deildina og bikarinn með Chelsea á sínum tíma.
